TAWHITINUI MARAE
TE WERANGA
TAWHITINUI MARAE
He āhuatanga pouri i ahu mai i te kīanga “Te Weranga”, ki te rohe o Tauranga Moana. I te terenga o te Hauhau, te Pai Mārire rānei i ngā tau 1860, e hia kē ngā kakaritanga i waenga i ngā hoia o te Kāwanatanga me ngā hapū i te whai noa kia noho tonu ki ngā whenua o ngā tūpuna.
Nā ngā korero tuku iho i whakamārama mai te āhua o ngā huakitanga o ngā kāinga – he nōhanga kāinga noa iho, i nōhia e te tokomaha me ngā māra kai e makuru ana. Ka turakina ngā tupu e ngā hoia, ka whakarērea ngā kāinga e te tokomaha; arā anō ngā kōrero mō te hunga i whawhai ki te tiaki i ngā kaumātua kei mamaetia, me te utanga nui a ngā wāhine me ngā tamariki ki runga i ngā waka, ka whakatere ki ngā awa kia puta atu.