NGĀ MARAE O NGĀTI RANGINUI
I tīkina ko ngā tāhū o Te Takanga o Te Wā (2021) hei whare kōrero, hei whare wānanga mā ngā ākonga kia taea ai e rātou te āta titiro, te āta rangahau i ngā kōrero ātaahua kua tāngia e Ngāti Ranginui mō ō rātou marae. Koinei tētahi huarahi kotahi e ruku ai ngā ākonga ki ngā kōrero rapu māramatanga, rapu mātauranga ai mō āpōpō.
Kei te whakaahua kei runga nei tētahi tauira e aronui ana ki te ākonga, ki te tangata me tōna whakapapa, tūrangawaewae, mana motuhake, kaitiakitanga me tōna whanaungatanga i roto i ngā kōrero pūrākau o te iwi.
Ngā Tāhū o Te Takanga o Te Wā
Ko ngā tāhū e rima ko te:
- Whakapapa
- Tūrangawaewae
- Mana Motuhake
- Kaitiakitanga; me te
- Whanaungatanga
Toro atu ki tēnei pae tukutuku o Te Takanga o Te Wā mō ētahi kōrero, ētahi puka āwhina, ētahi ngohe anō mō tēnei kaupapa https://maorihistory.tki.org.nz/mi/rauemi/te-takanga-o-te-wa-maori/
He aha te tikanga o ēnei tāhū ki ahau
He tauira noa tēnei hei ārahi i te ākonga ki te āta whakaaro me te āta whakatakoto i ōna whakaaro mō ia tāhū i mua i te pānuitanga o ngā kōrero mō Ngā Marae o Ngāti Ranginui.
| He aha ēnēi ki ahau | |
| Whakapapa | Nā te whakapapa ahau i mōhio ai ko wai mā ōku tīpuna, nō hea rātou, ko wai ahau, ā, nō hea ahau. |
| Tūrangawaewae | E mohio ana ahau ki te whenua i tipu ai ahau, ki ngā maunga, ngā wai, ngā wāhi me ngā kōrero a ōku mātua, ōku kaumātua, ōku tīpuna anō hoki. |
| Mana Motuhake | Kia tū pakari ahau i runga i tōku ake mana. Kia kaua ahau e tāmia, e pēhia e tētahi atu. Kia motuhake tōku mana hei oranga mōku ake. |
| Kaitiakitanga | He kaitiaki whenua, reo, kōrero, tikanga, kawa ahau. Me āta tiaki ahau i ēnei katoa kei ngaro mō ngā uri whakaheke. |
| Whanaungatanga | Haere ngātahi te whanaungatanga me te whakapapa. Ka tūhono te tangata i te whakapapa me te whanaungatanga. |
He mahi whakawhanake
Uia ngā hoa kura, te whānau, ngā marae, ngā kaumātua, te hapū/iwi mō ō rātou ake whakaaro mō ngā tāhū e rima. Tuhia ki tētahi ripanga.
Arohaehaetia ngā kōrero i kohia.
○ He aha ngā kōrero ōrite?
○ He aha ngā kōrero motuhake?
○ Māu, mā tō whānau e whakarite, e whakatau he aha ēnei tāhū ki a koe, ki a koutou anō.
Toro atu ki tēnei pae tukutuku o Te Takanga o Te Wā mō ētahi kōrero, ētahi puka āwhina, ētahi ngohe anō mō tēnei kaupapa https://maorihistory.tki.org.nz/mi/rauemi/te-takanga-o-te-wa-maori/
Rangahaua kia Mātau
He tauira, he mahere tēnei hei kohi i ngā kōrero mō ia marae i raro i ngā tāhū o Te Takanga o Te Wā. Māu rānei tētahi e hanga e pai ana ki a koe, e hāngai ana ki tāu e whakaaro nā.
| Marae |
Tāhū
(Tohua ngā tāhū ka aronui tuatahitia (√√), tuaruatia (√) i roto i ō mahi rangahau mō tēnei pūrākau mō tēnei marae)
| Whakapapa | |
| Tūrangawaewae | |
| Mana Motuhake | |
| Kaitiakitanga | |
| Whanaungatanga |
| Mā te: | Oū ake whakaaro, āu ake kōrero |
| Kōrero | (Tuhia ngā huarahi rangahau nāu i whai kia nui ake ngā kōrero mō tēnei pūrākau, mō tēnei marae) |
| Mōhio | (Tuhia ngā mōhiotanga i a koe i mua, i akohia e koe rānei) |
| Mārama | (Tuhia ngā māramatanga i puta i āu ake mahi rangahau, i āu ake mahi ako mō tēnei pūrākau, mō tēnei marae) |
| Mātau | (Tuhia ngā mātauranga i puta i āu ake mahi rangahau, i āu ake mahi ako mō tēnei pūrākau, mō tēnei marae) |
| He kōrero, he pātai anō āu mō tēnei marae |
He Ngohe Hei Tauira
| Ngā Mahi | Ngā Hua Ka Puta | |
| Te Whai Mātauranga He mahi e tohu ana i ngā mōhiotanga o te ākonga i mua, i waenganui, hei te wā ka oti ngā mahi. | ● Tuhia ō mōhiotanga mō tēnei pūrākau, mō tēnei marae i mua i te pānuitanga, i a koe e rangahau ana, hei te wā anō ka oti ngā mahi. ● Whakamahia te Tauira A kei raro nei hei āwhina i a koe. | Ka mōhio te ākonga ki te whanaketanga o ōna mōhiotanga ki tēnei kaupapa. |
| He Haerenga Marae He mahi whakariterite mā ngā ākonga kia wātea rātou ki te kōrero tahi me ngā tāngata o ia marae. | ● Whakaritea rānei kia haere atu ngā ākonga ki ngā marae, kia tae mai rānei ngā tāngata o ia marae. ● Mā ngā ākonga tonu te/ngā haerenga e whakarite (Tono, Waka, Mātua, Pōhiri/Whakatau, Utu, Kai me ērā atu mea). Wānangahia ēnei take kia rite ai koutou. ● Tirohia te ngohe ‘Rukuhia te puna kōrero’ hei āwhina ki te āta whakarite pātai mā ngā kaumātua, tāngata rānei o ia marae. | ● Kia rongo te ākonga i ngā kōrero mai i ngā tāngata ake o ia marae. ● Kia tae atu ki ngā marae katoa, kia tae mai rānei ngā tāngata o ngā marae kia rongo i ngā kōrero o ia marae. ● Hopū kōrero/kiriata ● Whakaahuatia ngā tino wāhi/taonga. ● Ka ako i ngā pukenga: ○ Whakarite haerenga ○ Tikanga humaru ○ Tikanga hopu kōrero (reo/kiriata). |
| Rukuhia te puna kōrero He mahi whakariterite mā ngā ākonga kia rite ai rātou ki te tuku pātai ki ngā tāngata o ia marae. | ● Tuhia ō (koutou) mōhiotanga mō te marae me ngā pūrākau. He aha pea ngā kōrero e ngaro ana, kāore rānei he kōrero, he whakautu. ● Tuhia ngā kōrero e ngaro ana, kāore rānei he kōrero, he whakautu hei pātai. ● Whakaritea ngā pātai. ● Tukuna he kape ki ngā kaumātua/tāngata hei pānui i mua i te rā i whakarite kia rite rātou me ō rātou kōrero/whakautu. ● Pātaihia rātou mēhemea he pai, he tika rānei te hopu i ngā kōrero (reo/kiriata). He aha ngā tikanga hopu tangata o tō kura hei whai? | ● Ka mōhio te ākonga ki te whanaketanga o ōna mōhiotanga ki tēnei kaupapa. ● Ka ako: ○ ki te āta whakarite pātai tika ○ i ngā tikanga whakapā tangata ○ i ngā tikanga haumaru ○ i ngā tikanga hopu kōrero (reo/kiriata). |
| Rārangi Wā He mahi whakatarārangi i ngā mahi rangahau | ● Hangaia he rārangi wā mō ia marae. Mā ngā uri o aua marae tonu e hanga. Mā rātou anō ngā mahi rangahau e rapu. ● Tohua te wā, ngā wāhi, ngā tāngata me ngā mahi. ● Hangaia he kōrero, he kiriata rānei e whakaatu ana i te rārangi wā me ngā kōrero mahuki. ● Whakaaturia ki ngā ākonga, ngā mātua me ngā marae. ● Hangaia he pae, he puna rauemi. | ● Ka ako ki te: ○ Rangahau ○ Hanga rārangi wā ○ Hanga rauemi ○ Whakakōrero i ngā mahi rangahau me ngā mōhiotanga. |
| Puka uiui Hangaia he puka uiui ā-pepa, ā-ipurangi hei kohi whakaaro mai i ngā hoa, ngā whānau me te hapori. | ● Whakaritea ngā pātai. ● Hangaia he puka uiui ā-pepa. ● Hangaia rānei he puka uiui ki Google Forms, Microsoft Forms, ki Jotforms, ki tētahi pūnaha e pai ana ki a koe. ● Toro atu ki Youtube mō ētahi kiriata whakangungu. | ● Ka ako ki te whakarite puka uiui. ● Ka whakamahia ngā hangarau matihiko kia whānui te toro atu mō ētahi whakaaro, kōrero o ētahi atu. |
Tauira A – He aha ō whakaaro, ō kōrero mō ēnei tāhū
| Whakapapa | Tūrangawaewae | Mana Motuhake | Kaitiakitanga | Whanaungatanga | |
| Mōu ake | |||||
| Whānau | |||||
| Marae |
Tauira E – Te Ara Mātauranga
- Whakaurua ō mōhiotanga mō tēnei pūrākau mō tēnei marae i mua i te pānuitanga. Tuhia te rā.
- Whakaurua ō mōhiotanga ina ka oti katoa ngā mahi rangahau. Tuhia te rā.
- Whakaarohia ēnei pātai:
- He rite rānei ō mōhiotanga mai i te wā i mua i te pānuitanga tae noa ki te wā i oti ngā mahi rangahau?
- He aha ngā akoranga hou?
- Hei whakaaro anō māu. Tērā pea me whakauru i tētahi wā ki waenganui e tohu ana i ō mōhiotanga i a koe e rangahau tonutia ana.
Marae
| I mua i te pānuitanga ( _ _ / _ _ / _ _) | Te wā i oti ( _ _ / _ _ / _ _) |
| ● | ● |
Marae
| I mua i te a ( _ _ / _ _ / _ _) | I ahau e rangahau tonu ana ( _ _ / _ _ / _ _) | Te wā i oti ( _ _ / _ _ / _ _) |
| ● | ● | ● |