HŪRIA MARAE

HŪRIA MARAE

I neherā, tērā tētahi kāinga, ko Kahakaharoa, ki Taumata rohe. I runga paritū tēnei kāinga noho ai, he kōawaawa ki te taha, ā, i mīa ki te awa i rere iho. He puhi a Taurikura, nā te rangatira, ā, he wahine rangatira i noho ki Kahakaharoa. Nā ōna tātai, i whakamorimoritia ai ia, i kia ai e ētahi, he tamaiti whakapuhipuhi ia. Ka pakeke ana ia, ka pōhēhē nōna te ao katoa. I tētahi rā, ka inoi tōna koroua a Tahupōkai ki a Taurikura ki te tiki wai māna mai i te awa. He ngoikore ngā waewae

o te koroua, he whēuaua māna ki te haere mā te tāhekeroa ki te awa i raro iho rā. Ka whakahoki a Taurikura ki a ia, kāore ia i hiahia ki te haere ki te tiki wai māna, he ngenge nōna.

I te matewai rawa te koroua, ā, kāore he tangata kē atu. i upoko mārō kē ia; ka haere ko ia anake. Ka tīkina e ia tētahi tahāwai hei heri wai māna, ā, ka āta heke haere ia i te ara tāheke rā. Tae atu ana ia ki te awa, ka inu wai ia, ka whakakīkī anō ia i te tahāwai me te whakahoki ki te kāinga. Ka āta piki, ka āta haere ia i te ara piki i hangaia ki te pari tū. Ka hoki rawa te koroua ki te kāinga, ka whakahau a Taurikura i a ia kia inu wai māna anō. I te hiainu anō ia, ka inu ia mai i te tahāwai. Ki tā te koroua, kātahi te whakapuhipuhi ko tēnei. I uaua rawa mā tōna tinana ioio ki te piki i te ara poupou rā, iana tāna mokopuna e mōkehu ana kāore i whakaae ki tāna tono. Ka kohetengia a Taurikura e Tahupōkai. Ka kīa he māngere, ā, nō hea hoki tāna āheinga kia whai te tangata i a ia. Ka haere āna kōrero, pēnei i te whaikōrero te hanga, he hōhā nōna i pērā rawa tāna kaha i te wahine whakamanamana rā. He hūneinei te riri o te koroua, ā, he riri nō ngā koroua. Nāwai rā, ka tau haere tana riri, ka hoki ia ki tōna whare.