TŪTEREINGA MARAE
TE ŌHAKĪ O TŪTEREINGA
TŪTEREINGA MARAE
Ko Te Pirirākau te tuakana i te iwi o Ngāti Ranginui. Ka heke ngā uri o Ngāti Ranginui mai i tēnei tupuna, i a Tūtereinga.
Nō te taenga mai o te waka Tākitimu, te orokohanganga mai o Te Pirirākau, nō Ranginui te tupuna matua o Ngāti Ranginui, ki a Tūtereinga, ki a Rangiwhakakaha, i noho ki Oikemoke.
Mai i te wahapū o te awa Wairoa, ki uta ki te pae maunga o Kaimai, ki te awa Poupou, ki te awa Aongatete. Kua roa a Te Pirirākau e noho ahi kā ana ki tēnei rohe, haere ana he whakatipuranga, haere ana he whakatipuranga.
Ahakoa, i ngākau rua ngā kaumātua ki ngā tamariki e tākaro ana ki Tahataharoa, he papa tākaro nui tonu i hīkoia
e ngā uri o Tūtereinga. He papa ako mahinga ika, ako hauhake kai anō hoki, ā, i ākona e mātou ngā hītori me ngā ōhāki o Tūtereinga ki a mātou.
He mea tuku iho ngā pakiwaitara o Tūtereinga me tōna honohono ki Tahataharoa me Te Tawa, ki ngā whakareanga hei tāhuhu kōrero o tā mātou tīmatatanga. Nā te ōhāki, i tukuna ki a mātou e Tūtereinga, kua wāhi tapu rawa a Tahataharoa ki roto i te rohe o Te Pirirākau.